नवराज घिमिरे
"कल्याणको लागि यात्रा" (Walk For Wellness) भन्ने स्लोगन रहेको युएई स्थित दुबई राज्यको एउटा ब्यापारिक सस्था लुलु हाइपर मार्केट जसले विभिन्न मुलुकहरूका मानिसहरुको उपस्थिति लाई आव्हान गरेर आजको यात्रा सफल गरेको छ। उक्त कार्यक्रममा उदयपुर सेवा समाज युएई ले पनि आफ्नो सहभागीता जनाएको छ ।
प्रवासको भुमिमा रहेर नेपाली दाजुभाई दिदिबहिनी हरुले जनाएको यो सहभागिता एकदमै प्रंशसनीय रहेको थियो भनेर हामिलाई उक्त कार्यक्रममा सहभागी मध्येका उदयपुर सेवा समाज युएईका कोषाध्यक्ष सुजन कोयि राईले बताए। अर्का उदयपुरकै सहभागी भरत खत्रीले समेत निकै नै खुशी भएको धारणा ब्यक्त गरे उनले थपे स्वास्थ जस्तो क्षेत्रमा त्यो पनि आफ्नो स्वास्थ को ख्याल आफैले गर्नपर्ने हुदा आज आफ्नो स्वास्थ्य को निम्ति स्वास्थकर हुन सहयोग पुगोस भनेर हामिले यो सहभागिता जनाएका हौ। आज हामिले गरेको यो सानो सहभागीताले सम्पुर्ण नेपालीहरुको पहिचानको रुपमा विश्व समुदायमा जानेछ तेसैले खुसी छौ ।
उदयपुर सेवा समाज युएई का अध्यक्ष अन्जन किराँती भन्छन यो उदयपुर सेवा समाज युएई लाई कार्यक्रम मा सहभागी गराउनलाई साथ नेपाली समुदाय युएई ले दिएको छ जसका अध्यक्ष बिदुर राउत छन उहालाई धन्यवाद आगामी दिनहरुमा हुने कार्यक्रम मा यस्तै साथ र सहयोग पाइयोस ।
उक्त कार्यक्रम दुबई राज्यको जाबेल पार्क स्थित गेट न तीन बाट शुरु गरिएको थियो भने यात्राको दुरि तीन किलोमिटर तय गरिएको थियो। उक्त कार्यक्रम मा बिश्वका विभिन्न देशका मानिसहरुले सहभागिता जनाएका थिए ।
