प्रेमविवाह गरेकी शशीको रहस्यमय मृत्यु !

चौदण्डीगढी/उदयपुर
अभिनास राई
      चौदण्डीगढी नगरपालिका  वडा न .३ स्थित बसाहा, हात्तिसारमा श्यामराज मगरको श्रीमती शशी लिम्बु मगर बेलुकी करिब ७:३० बजेतिर गत शनिवार  घरको धरिनमा सलको पासो लगाई मृत्यु भएको अवस्थामा भेटिएको छ। माइतीघर धनकुटा हिले भएको र उनीहरुको प्रेम विवाह भएको थियो।
कक्षा १२ मा अध्यनरत उनी धेरै पहिले देखि नै टाउको दुख्ने समस्याबाट ग्रसित थिईन् । उनको बुवा पनि चिनी रोगबाट (सुगर) ग्रसित भएको र श्रीमान सेना भएकोले उनलाई सेनाको हस्पिटलमा लगेर उपचार गराइदैं  आएको थियो।
धेरै को मनमा हत्या कि आत्महत्या भन्ने प्रश्न उब्जिरहदा उनी डिप्रेसनको सिकार भएको कारण आत्महत्या नै हो कि भन्ने आशंका गरिएता पनि पोस्टमार्टमको रिपोर्ट आई नसकेको  हुँदा केही भन्न नसकिने र अनुसन्धान भै रहेको कुराको जानकारी ईप्रका चौदण्डीगढी प्रमुख आसाराम चौधरीले बताए । मेडिकल रिपोर्ट आइसकेपछि घटना बारे सत्य तथ्य बाहिर आउने बताइएको छ ।