समर्थन तिम्रो बोलको गीतको भिडियो सार्बजनिक !!!

युएई/ नवराज घिमिरे
बैशाख ३,०७४
       गीतकार सुजन कोयी राई द्वारा लिखित गीत "समर्थन तिम्रो सधै गरिरहें "बोलको गीतको भिडियो सार्वजनिक गरिएको छ ।
अनिल कोयी राईको सुमधुर संगीत रहेको उक्त गीतमा लोकप्रिय गायक प्रमोद खरेलको स्वर रहेको छ।उक्त गीत केही महिना अघि देखि  बजारमा आएर निकै चर्चामा रहेको थियो भने  भिडियो आजबाट युट्युब मार्फत सार्वजनिक गरिएको छ।  अहिलेका युवा गायक तथा भिडियो निर्देशक राजेश पुमा राईको निर्देशनमा बनेको उक्त भिडियोमा मोडल सम्झना राई,रुकमान लिम्बु,प्रेम लिम्बु र गौरा राईको अभिनय रहेको छ ।यसै गरी छाँयांकनमा ज्ञानेन्द्र शर्मा रहेका छन् भने मेकअप आर्टिस्टको कामलाई मोडल तथा ब्युटिसियन गौरा राईले गरेकी छिन्।
नेपाली सांगीतिक आकाशमा एउटा अाशलाग्दा गीतकारका रुपमा देखा परेका गीतकार सुजन कोयी राईको यो पहिलो रेकर्डेड गीत भए पनि यो गीत सुन्दा उनको लेखन शैली प्रशंसनीय देखिन्छ।आजैबाट कभर प्रतिस्पर्धा समेत अायोजना गरिएको  जानकारी  गीतकार सुजन कोयी राईले दिएका छन् ।
कभर प्रतिस्पर्धामा प्रथम हुने विजेतालाई नगद रु ५०,०००/-  का साथमा एउटा गीत रेकर्डिङ गरिने घोषणा गरिएको समेत उनले बताए।
https://m.youtube.com/watch?v=bRd4VMbrZRA&feature=share